کڑے ‏سفر ‏کا ‏تھکا ‏مسافر،تھکا ‏وہ ‏ایسا ‏کہ ‏سو گیا ‏ہے۔۔! ‏

-
کڑے سفر کا تھکا مسافر، تھکا وہ ایسا کہ سوگیا ہے!
 ✍🏻عامرفہیم ،جالنہ

بھوکردن جامع مسجد کے امام و خطیب،جماعت اسلامی بھوکردن کے اولین رکن رکین محترم حافظ عبدالماجد صاحب گذشتہ کل شدید قلبی حملے کے باعث خالقِ حقیقی سے جا ملے۔صبح کی اولین ساعتوں میں یہ خبر دل کو مغموم کردینے کا باعث بنی،گذشتہ چند مہینوں میں بیشتر علماء اتقیاء و صلحاء کی تیزی کیساتھ موصول ہونے والی انتقال کی خبروں نے پورے ماحول کو تشویش زدہ اور غمگین کیا ہوا ہے۔گذرے پندرہ دنوں میں جالنہ ضلع کے تین ارکان جماعت اسلامی کا انتقال یقینا تحریکی حلقہ میں شدید غم و اندوہ کا باعث ہے تاہم منشاءِ خداوندی کے آگے سرنیازخم کرتے ہوئے صبر و استقامت کا دامن تھامے رکھنا عین بندگی کا تقاضا ہے۔
محترم حافظ صاحب کا مکمل تعارف قارئین کی فرمائش اور مرحوم کی گوناگو خصوصیات کو منظرعام پر لانے کی غرض سے پیشِ خدمت ہیں گیا۔
مرحوم کا مکمل نام حافظ عبدالماجد ابن راجے خان پٹھان تھا۔آپ کی پیدائش ۲۵ اگست سن۱۹۵۶ء کو ڈونگرگاؤ تعلقہ سلوڑ ضلع اورنگ آباد میں میواتی خاندان میں ہوئی۔ابتدائی تعلیم سلوڑ میں حاصل کی حفظِ قرآن کی سعادت جامعہ کاشف العلوم اورنگ آباد سے حاصل کرنے کے بعد عالمیت کے لئے مدرسہ معہدملت مالیگاؤں سے عالمیت کے چند سال کئے۔تعلیم سے فراغت کے بعد موصوف نے جامع مسجد بھوکردن میں امامت کی ذمہ داری سنبھالی۔تادمِ آخر آپ امامت کے عہدہ پر فائز رہیں۔تقریبا ۴۳ سال تک آپ امامت کے فرائض انجام دیتے رہے۔آپ سن شعور کی عمر سے ہی تحریکی سرگرمیوں سے وابستہ ہوگئے تھے۔جماعت اسلامی بھوکردن کے آپ نہایت فعال رکن پہلے امیرمقامی نیز سماجی تعلیمی اور معاشرتی سرگرمیوں کے بے لوث کارکن تھے۔مرحوم مجلس العلماء تحریک اسلامی کے مقامی ذمہ دار، مجلس علماء و حفاظ بھوکردن کے سابق صدر اور حالیہ میقات میں جماعت اسلامی کے شعبۂ اسلامی معاشرہ کے مقامی سیکریٹری تھے۔مزاج اور طبیعت میں بلا کی سادگی عجزوانکساری سنجیدگی اور بردباری تھی۔صبروتحمل نظم و ضبط مستقل مزاجی اور شانِ بےنیازی مرحوم کے اوصاف حمیدہ تھے۔حضورﷺ کے ارشاد  احب الاعمال الی اللہ ادومھا وان اقل کی مصداق تھوڑا مگر مستقل کام کرنا موصوف کا شیوہ تھا۔آپ کا حضرت مولانا خلیل الرحمان سجاد نعمانی صاحب کے ساتھ خصوصی روحانی تعلق تھا مولانا عبدالقیوم قادری مولانا بشیراحمد راہی(والد محترم کے آپ سے دیرینہ اور والہانہ بےتکلف تعلقات تھے دونوں حضرات نے طویل عرصہ تک مدرسہ اور امامت کی ذمہ داری ساتھ ساتھ ادا کیں۔) مولانا غفران احمد صدیقی صاحب کیساتھ آپ نے تحریکی اور فکری سرگرمیوں کا آغاز کیا۔پوری زندگی قناعت پسندی، کفایت شعاری، کسمپرسی اور سادگی میں بسر کی تاہم کثیرالعیال ہونے اور محدود معاشی ذرائع ہونے کے باوجود آپ نے اولاد کو بہترین اعلی تعلیم و تربیت سے آراستہ کیا آپ کے ایک فرزند حافظ قرآن ہونے کے ساتھ اورنگ آباد میڈیکل کالج سے ڈاکٹریٹ بھی کررہے ہیں۔صاحب خیر حضرات خصوصا تحریکی رفقاء کی اخلاقی ذمہ داری ہیکہ مرحوم کے ورثاء خصوصا میڈیکل اسٹوڈنٹ ڈاکٹر حافظ محمد ریحان خان اشاعتی کی تعلیمی و معاشی ضرورتوں کا خیال رکھیں۔یہی مرحوم کے حق میں بہترین خراج عقیدت اور ملت کے حق میں آپ کے چھوڑے ہوئے اثاثہ کی قدردانی کا حق ثابت ہوگا۔اللہ تعالی مرحوم کو غریق رحمت فرمائے لواحقین کو صبر جمیل عطا فرمائے تحریک اسلامی کو آپ کا نعم البدل عطا فرمائے جنت الفردوس میں اعلی مقام عطا فرمائے۔آمین یا رب العالمین۔

تبصرے

ایک تبصرہ شائع کریں

اس بلاگ سے مقبول پوسٹس

تعزیتی تحریر بروفات عزیزم منیب احمد

-
تصویر
یہ پھول اپنی لطافت کی داد پا نہ سکا… زندگی، موت کی تمہید ہے، اور موت، حیاتِ مستعار کا تتمہ۔۔۔عالمِ فانی میں ایسا کوئی جاندار نہیں جسے زندگی کا روگ لگا ہو اور وہ نہ مرے؛ جسے یہ روگ لگ گیا  اسے بہرحال مرنا ہے۔ہر شئے فانی ہے فنائیت اس کی  اصل حقیقت ہے۔ زندگی تیز بہت تیز ہے جس کا ہر لمحہ موت سے قریب تر ہوتا چلا جاتا ہے۔ ہر کوئی اپنے انجام کی طرف کشاں کشاں گامزن ہے۔کوئی جلد کوئی بدیر... لیکن ایسی موت جو عین جوانی کی دہلیز پر دستک دے، عنفوان شباب پر قدم رکھتے ہی اُچک لے، زندگی کے اس مرحلے میں جسمیں عزائم ارادے منصوبے اور خواب جو اپنی تعبیر چاہتے ہیں جو ایک بامقصد انسان کی ترجیحات کا حصہ ہوتے ہیں انہیں اپنے اختتام تک پہنچادیں۔ بڑی کربناک ہوتی ہے۔  آہ۔۔ منیب احمد ہمارا جواں سال بھتیجا، ایک ایسا لائق،ہونہار،باصلاحیت لڑکا جس نے سلیقہ سے اپنی عمرعارضی کی پندرہ بہاریں بھی نہ دیکھیں۔  انتہائی  ناگہانی  مرض میں مبتلاء ہوکر ہزار کوششوں کے باوجود جانبر نہ ہوکر لقمہ اجل بن گیا۔ منیب احمد کی وفات کا سانحہ جانکاہ، حادثہ فاجعہ اس قدر دلدوز، دلخراش اور المناک ہے ...
مزید پڑھیں

ایسا کہاں سے لاؤں کہ تجھ سا کہیں جسے! (تعزیتی تحریر بروفات عزیزمن برادرشیخ سہیل احمد،بھائی جان)

-
تصویر
ایسا کہاں سے لاؤں کہ تجھ سا کہیں جسے!  (تعزیتی تحریر بروفات عزیزمن برادرشیخ سہیل احمد،بھائی جان) ازقلم:-عامرفہیم راہی، جالنہ 8329953822              دنیا کی ہرشے فانی ہے۔فنائیت اس کا اصل الاصول ہے۔ہرانسان گزرتے لمحہ کیساتھ اپنے انجام کی طرف کشاں کشاں رواں دواں ہے۔۔اللہ رب العزت کے بعض نیک بندے ایسے ہوتے ہیں جن کی جدائی ذہن و دماغ پر غیر معمولی اثرات چھوڑ جاتی ہے،جن کے روشن کردار کی مہک زندگیوں کو معطر کردیتی ہے، جن کی شخصیت کے رخشندہ و تاباں سنہرے انمٹ نقوش لوگوں کے ذہنوں پر تاحیات مرتب ہوجاتے ہیں۔ان    ہی خوش قسمت لوگوں میں     ہم تمام کے عزیز جناب شیخ سہیل احمد (بھائی جان) بھی تھے۔جن کی مفارقت کا داغ شاید ہی زندگی بھر ہمارے ذہنوں سے مٹ سکیں۔۔بقول مولانا راہی شریفی- کام وہ کر جا جہاں میں، کام کرجانے کے بعد!  ایک مدت تک رہے تو، یاد مرجانے کے بعد!  ہائے میں کیا لکھوں، کیسے لکھوں، کیوں کر لکھوں .. اس احساس کو جس کا درد ایک نحیف بوڑھا باپ جانتا ہو جسکی لاٹھی ٹوٹ جائے، وہ بوڑھی ماں جسکی آنکھوں...
مزید پڑھیں

قسط ‏نمبر۰۱؀ ‏جناب ‏شبیر ‏احمد ‏انصاری ‏صاحب

-
تصویر
        ﴿جـــالـــنــہ شہر خصوصی پیشکش﴾             مستقل تعارفی سیریز٭قسط۰۱؀                   ☆روشــــن چــــــراغ☆                   ﴿میرا شہر،میرے لوگ﴾  خصوصی مہمان__پسماندہ طبقات کی بےباک آواز،آل انڈیا مسلم او بی سی آرگنائزیشن کے صدرمؤسس  عالیجناب شبیراحمدانصاری صاحب           آپ کی پیدائش نومبر سن ۱۹۴۸ء کو ایک غریب جُلاہا(بُنکر) خاندان میں ہوئی۔والدِ بزرگوار مولوی محمد داؤد انصاری صاحب بُنکر کاکام کرکے عربی،دینی تدریس کاکام انجام دیتے تھے۔سقوطِ حیدرآباد کے سانحہ نے بدترین صورتِ حال پیدا  کردی تھی۔جس میں مسلمان ہر اعتبار سے کمزور ہوچکے تھے۔ اپنی خود نوشت میں ایک جگہ موصوف یوں رقمطراز ہیکہ۔ "مجھے تو اپنی تاریخ پیدائش بھی معلوم نہیں البتہ والدہ محترمہ فرماتی تھی کہ بیٹا جب تم مادرِ شکم میں تھے اور تمہیں تولد ہونے میں دو ڈھائی ماہ کا عرصہ باقی تھا کہ پولس ایکشن کا بدترین سانحہ پیش آیا جو مسلمانوں...
مزید پڑھیں